យេីងគឺជាសហគមន៍មួយដែលពោរពេញទៅដោយភាពរស់រវើក និងគំនិតច្នៃប្រឌិតដែលនឹង ផ្តល់សិទ្ធិអំណាចដល់កុមារគ្រប់រូបក្នុងការស្វែងយល់ពីសក្តានុពលរបស់ពួកគេ ។

សូមស្វាគមន៍មកកាន់បាមប៊ូចាយ៉ា!


កុមារដែលមានការអប់រំទ្វេភាសា គឺជាកុមារដែលមានភាពបត់បែនខ្ពស់ ។

ការរៀនទ្វេភាសា

ការសិក្សា


កុមារវិវឌ្ឍការស្តាប់ និងជំនាញក្នុងការប្រាស្រ័យទាក់ទងរបស់ពួកគេតាមរយៈសិល្បៈ។

សិល្បៈច្នៃប្រឌិត

ការបង្កើត


យើងខ្ញុំសូមស្វាគមន៍គ្រួសាររបស់លោកអ្នកមកកាន់សាលាទ្វេភាសាបាមប៊ូចាយ៉ា!

បណ្តុះគំនិតតាមកម្មវិធីសិក្សារបស់ Waldorf

ការចូលរួម

ការរៀនសូត្រប្រកបដោយគំនិតច្នៃប្រឌិត

ការរៀនសូត្រប្រកបដោយភាពច្នៃប្រឌិតនៅសាលាទ្វេភាសាបាមប៊ូចាយ៉ារបស់យើងស្ថិតនៅក្នុងបរិយាកាស  
ដែលមានភាពរស់រវើកនិងអមទៅដោយសោភ័ណភាពធម្មជាតិដែលកុមារអាចលេងនិងចូលរួមក្នុងសកម្មភាពផ្សេងៗបានដោយរីករាយ។
យើងរៀន លូតលាស់ សិក្សាស្វែងយល់ និងចាក់គ្រឹះអនាគតរបស់ពួកយើងជាមួយគ្នា!​

សម្រាប់ការយល់ដឹងឲ្យកាន់តែស៊ីជម្រៅ និងបង្កើនទំនួលខុសត្រូវ យើងរួមបញ្ចូលជាមួយ៖

  • ការចូលរួមធ្វើសកម្មភាពដោយផ្ទាល់ប្រកបដោយភាពច្នៃប្រឌិតដើម្បីពង្រឹងដល់ការសិក្សា
  • ការប្រើប្រាស់ឧបករណ៍ជំនួយនិងសម្ភារសិក្សាគណិតវិទ្យាជាច្រើនប្រភេទ
  • ការគូររូប និងការផាត់ពណ៌
  • ការដាំដំណាំ៖ ការដាំដុះនិងការថែទាំរុក្ខជាតិ និងការធ្វើសកម្មភាពផ្សេងៗដែលទាក់ទងនឹងធម្មជាតិ
  • ការចម្អិនអាហារ និងការរៀបចំ៖ ទាំងម្ហូបជាតិនិងអន្តរជាតិ
  • ការធ្វើចលនា៖ ការរៀនដោយការធ្វើ ការលេងល្បែងជាក្រុម ការរាំរបាំប្រពៃណី និងការហាត់យូហ្គាជាដើម។

ព័ត៌មានអំពីថ្នាក់មត្តេយ្យ

សម្រាប់ការអប់រំនៅថ្នាក់មត្តេយ្យ យើងផ្តោតសំខាន់ទៅលើជំនាញក្នុងការស្តាប់និងការនិយាយ ការសហការ និងការអនុវត្តជាក់ស្តែង។ វិធីសាស្រ្តនេះផ្តល់មូលដ្ឋានគ្រឹះដ៏រឹងមាំសម្រាប់ការណែនាំជាផ្លូវការដែលនឹងចាប់ផ្តើមនៅថ្នាក់ទី ១។

អំពីពួកយេីង

បាមប៊ូចាយ៉ា ជាសាលាឯកជនទ្វេភាសាដែលបង្រៀនពីរភាសាមានភាសាខ្មែរ និងភាសាអង់គ្លេសដែលមានទីតាំងស្ថិតនៅភូមិស្វាយព្រៃ សង្កាត់ស្វាយដង្គំ ក្រុងសៀមរាប ខេត្តសៀមរាប រួមជាមួយនឹងការស្វាគមន៍យ៉ាងរួសរាយរាក់ទាក់ពីសំណាក់ក្រុមគ្រួសាររបស់ពួកយេីង។

ការអប់រំរបស់យើងជាការអប់រំដែលអនុវត្តតាមកម្មវិធីសិក្សារបស់Waldorf-Steiner ដែលកុមារគ្រប់រូបជាអ្នកដឹកនាំការសិក្សារបស់ពួកគេដែលស្ថិតនៅក្នុងបរិស្ថានធម្មជាតិសម្រាប់ថ្នាក់មត្តេយ្យនិងថ្នាក់បឋមសិក្សា។

 

បេសកកម្ម

គោលបំណងរបស់យើងនៅទីនេះគឺដើម្បីផ្ដល់សិទ្ធិអំណាចដល់កុមារគ្រប់រូបក្នុងការស្វែងយល់ពីសក្តានុពលរបស់ពួកគេ។

ទស្សនវិស័យ​

ជាកន្លែងដែលកុមារគ្រប់រូបទទួលបានការមើលថែទាំទាំងបេះដូង ចិត្ត និងរូបរាងកាយដែលធ្វើឲ្យ

ពួកគេមានសេចក្ដីសុខទាំងផ្លូវកាយនិងផ្លូវចិត្តដើម្បីចែករំលែកក្តីស្រឡាញ់ សន្តិភាព និងគោលដៅនូវរាល់អ្វីដែលពួកគេធ្វើ។

វាពិតជាពិបាកឆ្លើយណាស់! យើងជាសហគមន៍ប្រកបដោយភាពរស់រវើក ការច្នៃប្រឌិត និងការយកចិត្តទុកដាក់ដើម្បីផ្តល់សិទ្ធិអំណាចដល់សិស្សានុសិស្សគ្រប់រូបក្នុងការស្វែងរកសក្តានុពលរបស់ពួកគេ។ យើងលើកទឹកចិត្តឱ្យពួកគេសាកល្បងដោយចេះត្រិះរិះពិចារណានិងហ៊ានធ្វើការប្រថុយប្រថានដោយមានការ​គិតគូរយ៉ាងល្អិតល្អន់ ។ យេីងផ្តល់នូវបរិបទសិក្សាដែលប្រកបដោយប្រសិទ្ធិភាពខ្ពស់រួមជាមួយនឹងបរិយាកាសរៀនសូត្រប្រកបដោយសុជីវធម៌ ក្តីស្រឡាញ់ ភាពរួសរាយរាក់ទាក់ និងផាសុកភាព។ យើងជឿថា ការរៀនសូត្រគឺជាថាមពលដ៏សំខាន់មួយដែលជាគន្លឹះសម្រាប់ឲ្យសិស្សានុសិស្សចូលប្រឡូកក្នុងពិភពលោកប្រកបដោយភាពសកម្ម។

ពួកយេីងមិនមានឯកសណ្ឋានទេ ហេីយចំនួនសិស្សនៅក្នុងថ្នាក់ក៏មានចំនួនតិចដែរ។ យើងមានបរិស្ថានសិក្សាខុសប្លែកពីសាលាដទៃទៀតនៅក្នុងប្រទេសកម្ពុជា។ យើងមានដំណើរទស្សនកិច្ចសិក្សានិងសកម្មភាពផ្សេងៗទៀតជាច្រើន។ យេីងក៏ប្រៀបដូចជាសាលាតន្រ្តីផងដែរ ដោយសិស្សគ្រប់គ្នាមានថ្នាក់តន្ត្រីរៀងរាល់សប្តាហ៍ ហេីយយេីងក៏មានថ្នាក់ដែលសិស្សរីករាយក្នុងការហាត់យូហ្គានិងធ្វើសមាធិចំនួនពីរដងក្នុងមួយសប្តាហ៍ផងដែរ។ មានពេលវេលាជាច្រើនដើម្បីឲ្យប្អូនៗធ្វើការរុករកនិងឈ្វេងយល់ការសិក្សារបស់ពួកគេនៅខាងក្រៅថ្នាក់ដែលហ៊ុមព័ទ្ធទៅដោយបរិស្ថានធម្មជាតិ។ អាហារនៅបាមប៊ូចាយ៉ាពោរពេញទៅដោយសារធាតុចិញ្ចឹមនិងជាអាហារសុខភាព ជាពិសេសមានជម្រើសល្អៗជាច្រើន។ លើសពីនេះទៅទៀត ពួកគេក៏អាចទទួលបាននូវអាហារសម្រន់ដូចជាផ្លែឈើមុនពេលពួកគេចាប់ផ្តើមថ្នាក់បន្ទាប់របស់ពួកគេ។ នៅចុងបញ្ចប់នៃថ្ងៃនីមួយៗ សិស្សនិងក្រុមការងារនៅបាមប៊ូចាយ៉ានាំគ្នាសម្អាតសាលារៀនទាំងមូលដោយយើងជឿជាក់ថាមនុស្សគ្រប់រូបគួរតែមានទំនួលខុសត្រូវក្នុងការសម្អាតដោយខ្លួនឯងនៅក្នុងជីវភាពរស់នៅប្រចាំថ្ងៃ។

លោកគ្រូអ្នកគ្រូនៅបាមប៊ូចាយ៉ាសុទ្ធតែជាបុគ្គលដែលមានទេពកោសល្យដែលត្រូវបានជ្រើសរើសដោយផ្អែកទៅលើជំនាញពិសេសៗនិងប្រវត្តិរូបដ៏លេចធ្លោរបស់ពួកគេ។ យើងរួមគ្នាជាធ្លុងមួយដើម្បីធ្វើឲ្យកន្លែងនេះក្លាយជាសហគមន៍ដែលជោគជ័យ និងពោរពេញដោយភាពវិជ្ជមាន។

កម្មវិធីសិក្សាភាសាអង់គ្លេសរបស់យើងផ្តោតទៅលើ ជំនាញទាំង៤មានដូចជា ការនិយាយ ការស្តាប់ ការអាន និងការសរសេរ។ នៅក្នុងការលូតលាស់របស់កុមារនិងធម្មជាតិនៃការរៀនភាសា ជំនាញដែលយើងត្រូវផ្តោតដំបូងបង្អស់គឺការនិយាយនិងការស្តាប់។ បន្ទាប់មកទើបយើងធ្វើការផ្តោតសំខាន់ទៅលើការអាននិងការសរសេរ។ ជំនាញទាំង៤នេះត្រូវបានបញ្ចូលតាំងពីថ្នាក់ដំបូងតាមរយៈការធ្វើសកម្មភាពផ្សេងៗរបស់កុមារ។

ការរៀនភាសាអង់គ្លេសតាមរយៈសិល្បៈជម្រុញឲ្យកុមារមានទំនុកចិត្តលើខ្លួនឯង បង្កើនគំនិតច្នៃប្រឌិត លើកកម្ពស់ការ សហការក្រុម និងការធ្វើជាគំរូល្អ ហើយក្នុងពេលជាមួយគ្នានេះ ពួកគេក៏មានឱកាសក្នុងការអនុវត្តជំនាញទាំង៤ផងដែរ។​ លើសពីនេះទៅទៀត វាក៏ជួយពង្រីកទស្សនៈរបស់ពួកគេឲ្យកាន់តែធំទូលាយតាមរយៈការបង្ហាញពីវប្បធម៌ប្រពៃណីនិងទំនៀមទម្លាប់របស់ប្រទេសផ្សេងៗ។

កម្មវិធីភាសាអង់គ្លេសរបស់យើងគឺផ្អែកទៅលើវីធីបង្រៀនរបស់Steiner/Waldorf ដែលមានបទពិសោធន៍ជាង១០០ឆ្នាំមកហើយនៅទូទាំងពិភពលោក។ ថ្នាក់ភាសាអង់គ្លេសទាំងអស់ត្រូវបានបង្រៀនដោយគ្រូដែលទទួលស្គាល់ពីWaldorf
ជាមួយនឹងបទពិសោធន៍បង្រៀនជាង២០ឆ្នាំនៅលើគ្រប់មុខវិជ្ជាទាំងអស់តាំងពីថ្នាក់ទី១ដល់ថ្នាក់ទី៨។​

កម្មវិធីសិក្សាខ្មែររបស់យើងពឹងផ្អែកលើការអភិវឌ្ឍរបស់កុមារដែលដាក់កុមារទៅតាមកម្រិតថ្នាក់សិក្សានីមួយៗ ហើយយើងផ្អែកលើទស្សនវិជ្ជាអប់រំដែលមានអាយុកាលប្រមាណ១០០ឆ្នាំមកហើយ​។ យើងបង្រៀនកុមារឲ្យមានការស្រឡាញ់និងមានមោទនភាពខ្ពស់ចំពោះភាសា វប្បធម៌ និងប្រពៃណីខ្មែរដ៏ឧត្ដុងឧត្ដមរបស់ពួកគេ។ នៅបាមប៊ូចាយ៉ា ពួកយើងក៏បង្ហាញពីទិដ្ឋភាពអន្តរជាតិដល់កុមារនីមួយៗដើម្បីឲ្យពួកគេត្រៀមខ្លួនរួចជាស្រេចសម្រាប់អនាគតដែលពោរពេញទៅដោយឱកាស។ មុខវិជ្ជាគោលដែលបង្រៀនមានភាសាខ្មែរ គណិតវិទ្យា សិក្សាសង្គម និងវិទ្យាសាស្រ្ត។

ដោយការអប់រំតាមរយៈការធ្វើដោយដៃ ដោយចិត្ត និងដោយគំនិតប្រាជ្ញា យើងលើកទឹកចិត្តកុមារឲ្យមានគំនិតច្នៃប្រឌិត សេចក្ដីមេត្តា និងផ្ដល់តម្លៃដល់អ្វីៗដែលនៅជុំវិញខ្លួន។ បរិយាកាសសិក្សាដ៏រស់រវើករបស់យើងបណ្តុះកុមារនីមួយៗឲ្យមានសេចក្តីក្លាហានក្នុងការជឿជាក់ទៅលើទេពកោសល្យរបស់ខ្លួនឯង។ កុមារនីមួយៗអាចប្រឈមនឹងបញ្ហាលំបាកបានដោយការប្ដេជ្ញាចិត្ត ការតស៊ូ និងការជួយគាំទ្រគ្នាទៅវិញទៅមកដោយការគោរពនិងការយល់អធ្យាស្រ័យ។

វិធីសាស្រ្តនៃការរៀនដោយការធ្វើដោយដៃផ្ទាល់ជួយឲ្យកុមារមានការងឿងឆ្ងល់និងការចងចាំបានល្អប្រសើរ។ សិស្សានុសិស្សដែលបានបញ្ចប់ការសិក្សានៅសាលាបាមប៊ូចាយ៉ាជាបុគ្គលដែលពោរពេញទៅដោយភាពជាអ្នកដឹកនាំ និងត្រៀមខ្លួនរួចជាស្រេចក្នុងការប្រឈមនឹងបញ្ហាផ្សេងៗក្នុងពិភពលោក។

ការរៀនសូត្រទាំងអស់នេះនឹងធ្វើឡើងនៅក្នុងបរិស្ថានសិក្សាដ៏រស់រវើករបស់យើងដែលហ៊ុមព័ទ្ធសិស្សានុសិស្សជាមួយនឹងសម្រស់ធម្មជាតិ និងការចំណាយពេលនៅក្នុងទីធ្លាសាលា។ យើងរៀន លូតលាស់ សិក្សាស្វែងយល់ និងចាក់គ្រឹះអនាគតរបស់ពួកយើងជាមួយគ្នា!

នេះជាសម្តី
របស់គ្រួសារយើង

ក្រុមសិក្សា

មកជួបយើងនៅថ្ងៃនេះ!

បាមប៊ូចាយ៉ាជាសាលាទ្វេភាសាដែលផ្តោតលើការសិក្សាពីរភាសាដែលផ្ដល់សិទ្ធិអំណាចដល់សិស្សានុសិស្សតាមវិធីដ៏ពិសេសរបស់បាមប៊ូចាយ៉ាដើម្បីផ្ដល់ការគាំទ្រក្នុងការស្វែងយល់ពីសក្តានុពលរបស់ពួកគេ។

ថ្លៃសិក្សា

ប្រចាំឆ្នាំ $4980 ជម្រើសទី ១
  • សមតុល្យទាំងមូលត្រូវបានបង់មុនថ្ងៃចូលរៀនដំបូងរបស់កូនអ្នក
ប្រចាំត្រីមាស $1308 ជម្រើសទី ២
  • ការទូទាត់ត្រូវបានធ្វើឡើងជាបួនដំណាក់កាលតាមត្រីមាស។
ថ្លៃបរិក្ខារ +$600 ប្រចាំឆ្នាំ
  • ថ្លៃបរិក្ខារនេះតម្រូវឲ្យបង់ទាំងសិស្សថ្មី សិស្សចាស់ និងសិស្សដែលត្រឡប់មកវិញ។
ថ្លៃចុះឈ្មោះចូលរៀន +$500 បង់តែម្ដង
  • ថ្លៃចុះឈ្មោះនេះគឺសម្រាប់តែសិស្សថ្មីនៅបាមប៊ូចាយ៉ាប៉ុណ្ណោះ។​

ព័ត៌មានថ្មីៗ

 

ទំនាក់ទំនងមកយេីង

ផ្ញេីសារមកយេីង


ព័ត៌មាន​​

learning@bambujaya.com

ទូរស័ព្ទមកយើង​ +៨៥៥ ៩៩ ៧២២ ៣១៦ រឺ +៨៥៥ ១២ ២៣៣ ៨៤៨

យើងមានទីតាំងនៅភូមិស្វាយព្រៃ សង្កាត់ស្វាយដង្គំ ក្រុងសៀមរាប ខេត្តសៀមរាប

Tap the icon, our 3 word address (///spirits.lyricist.dreams) refers to our exact 3m x 3m location.